WILLEMSTAD- Diamars 19 di September pa mas o menos 9 or y 30 di anochi, Dash 8, e avion patruyero di Warda Costa di Caribe Hulandes (KWCARIB) a detecta un embarcacion sospechoso zuid-oost di Klein Curacao. Un Super -RHIB di steunpunt Curacao a wordo desplega mesora y den coordiancion di e Reddings en Coordinatie Centrum a wordo dirigi pa e sitio. Na nan yegada na e sitio nan ta bin haya un embarcacion sin luz di tipo yola. Tripulacion di e Super RHIB a subi abordo di e embarcacion aki y ta constata cu e tres personanan abordo no tin ningun tipo di documento di estadia. E embarcacion a wordo treci pa steunpunti di Warda Costa na Parera y a wordo tuma den beslag. E tres personanan abordo, tur di nan di nacionalidad Venezolano a wordo deteni y a pasa pa Korps Politie Curacao (KPC) cu hunto cu Warda Costa lo sigui cu e investigacion.