Despues di e prome wega vs Saarlouis Hornets, Vrolijk mester a haci un test di sanger, cual a sali positivo pa uzo di steroids.
Ademas di un pitcher pa e team di Bundesliga di Ulm Falcons, Vrolijk ta train hobennan tambe. E club a wordo informa door di polis dialuna ultimo.
E club a emiti e siguiente comunicado: “Nos club no ta acepta tipo di conductanan aki. Manera cu nos a wordo informa di e hecho aki, nos a comunica na Wally cu e no ta forma parti mas di nos club. Kisas nos tabata demasiado optimista ora cu Wally a bisa nos cu ultimo biaha cu el a uza steroids tabata na December 2017. Durante su permanencia den e Liganan Menor di Baltimore Orioles, tambe el a wordo gara.
E perdida di e servicionan di Vrolijk ta limita. Desde e comienso di e temporada di Bundesliga, Vrolijk tabata tin problemanan cu control. E ta responsabel pa perdida di dos wega, a pesar cu el a pitcha un bon wega contra di Mannheim Tornados dia 14 di april ultimo.
Ulm Falcons ta spera cu nan por tin un pitcher nobo prome cu nan wega contra di Stuttgart Reds durante e weekend di 9 y 10 di Mei.