Wall Street ta cera cu ganashi

0

NEW YORK, Merca- Wall Street diaranson a cera cu ganashi y su tres referencianan a caba den maximonan historico, despues di un sesion unda cu Dow Jones Industrial a cera pa prome biaha riba 23 mil punto.
Según datonan provisional na ceramento di e dia, Dow Jones a subi cu 0,70% te cu 23.157 punto. E selectivo S&P a avansa un 0,07% te cu 2.561,26 punto y e indice di e mercado Nasdag a subi cu 0,01% te cu 6.624,22 unidad.
Cu e datonan aki, Dow Jones y S&P 500 ta supera marcanan historico cu ta bin ta tumando luga for di diaranson 11 di October, mientras cu Nasdaq ta score su di dos record consecutivo.
E subidanan ta refleha e optimismo di e mercado ante e resultadonan empresarial cu ta birando conoci e ultimo dianan.
Al contrario, e banda negativo tabata solamente den e sector di empresa di servicionan publico (-0,25%), y di salud (-0,09%) .
E miho resultadonan tabata pa JP Morgan Chase (2,07%), Apple (1,83%) y e compania di seguro Travelers (1,73%).
Den e grupo aki, esunnan cu mas a perde tabata e cadena minorista Wal-Mart (-1,02%), e farmaceutico Pfizer (-1,00%) y American Express (-0,97%).
Den otro mercadonan, e petroleo di Texas a cera cu un subida di 0,82%, te cu 51,87 dollar pa bari, causa door di e preocupacion reciente di e posibilidad di cu tin un aumento di tension na Irak door di e control di e region petrolero Kirkuk.
Na cierre di Wall Street, oro a cay te cu 1.296,8 dollar pa ons, e rendimento di e debe publico na dies aña a subi te cu 2,203% y e dollar compara cu euro, ta balora na 1,1793 dollar.
Fuente: https://www.efe.com/