NEW YORK, New York – E accionnan a cera cu caidanan dialuna den e bolsa di New York pa un descenso di Apple cu a contraresta den parti e avance di e sectornan energetico y financiero, dos di e pio desempeño den loke ta bay pa e aña.
E sector energetico, e pio desempeño di S&P 500 den e aña y e banconan, tambe cu un trayectoria menor na e referencial, a atrae cumpradonan, apesar den un caida di petroleo y di e curva di rendimento di e bononan di Tesoro cu ta cerca di su nivel mas plano den ocho luna.
E actividad di e sector di servicio di Merca a desacelera na Mei, debi na un desplome di e pedidonan nobo. Hunto na un caida di e pedidonan di bienesnan manufactura den April y e productividad di e trahadonan sin cambio den e prome trimester, e datonan a sugeri den un espacio limita pa un mayor crecemento economico.
Apesar na e cifranan econbomico floho, e operadornan ainda ta aposta cu e Reserva Federal ta hisa e tasanan di interes den e reunion di dia 13 y 14 di Juni. Datonan di Reuters ta apunta na un probabilidad di 93.6 porciento di un hisamento den e tasa di un cuarto di punto porcentual.
Cu e rendimento di e bonoan di Tesoro cerca di minimo den shete luna, e operadornan ta buscando un alsa y ta mira cu e sectornan por beneficia cu tasanan mas halto, Brian Jacobsen, estratega di Wells Fargo Funds Management, a bisa.
E promedio Industrial Dow Jones a perde 22,25 punto of un 0,10 porciento, na 21.184,04 punto y S&P 500 a cay 2,97 punto of un 0,12 porciento, na 2.436,10 unidad. Nasdaq Composite a perde 10,11 punto, of un 0,16 porciento, na 6.29569 unidad.
E sector energetico a subi apesar na un descenso di e prijsnan di petroleo, tras e ruptura di relacionnan entre varios estadonan Arabe y Qatar. El a caba cu un alsa di 0,2 porciento tras di baha un 4.3 porciento e dos simannan prome.
E accionnan di Apple a cay 1 porciento na 153,93 dollar, despues cu e fabricante di iPhone a presenta producto y servicionan den su conferencia anual di desaroyador.
Fuente: www.reuters.com