TOKYO, Hapon – Expertonan Malasio den toxicologia a revela diabierna cu VX, un agente neurotoxico prohibi, a wordo uza pa asesina Kim Jong Nam, hermanastro di e lider Noord Koreano, Kim Jong Un, na Kuala Lumpur, Malasia. Pregunta y respuestanan riba e arma di destruccion masiva tin.
Kico ta VX?
Ta e nomber di codigo cu e cientificonan Mericano a duna. VX ta un componente organofosfora y un di e agentenan kimico mas letal hamas produci. VX, cu a wordo conserva den cantidadnan grandi na Merca durante e Guera Friu, ta dies biaha mas potente cu Gas Sarin.
E no tin holo ni colo den estado puro, suficiente stabil pa por wordo transporta y dificilmente detectabel, loke ta un bentaha pa un asesino potencial. E ta parce den su forma na azeta di motor.
“E por mata un adulto di 70 kilo cu solamente cinco miligram riba su cuero,” Yosuke Yamasato, exrector di e scol di kimica di forsanan terestre di autodefensa Hapones, a splica.
“Ta increibel cu e ehecutantenan di crimen a usanan cu nan man. Nan no tabata mester sa cu e agente tabata VX?”
Con e ta actua
VX ta actua rapidamente na e sistema nervioco. Un dosis halto por mata un persona den algun minuut ora e wordo inhala, na medida cu e gas ta expande rapidamente den e adernan cu ta hiba e sanger pa e pulmonnan y otro organonan vital.
E agentenan neurotoxico ta stimula excesivamente e glandula y musculonan, loke ta pone cu nan ta cansa rapidamente y ta paralisa e respiracion.
E sintomanan ta depende di e dosis y ta varia segun cu e substancia wordo inhala of introduci atrabes di e cuero, cu ta e forma mas lento di envenenamento.
Fuente: El Universal