LOS ANGELES, Merca- Chester Bennington, vocalista di e banda di rock Linkin Park, a muri diahuebs, na edad di 41 aña. El a yega di confesa di a considera suicidio despues di a sufri abusonan di parti di un adulto, tempo cu e cantante tabata mucha. Pa hopi aña e cantante a sufri di problemanan cu droga y alcohol.
E vocalista a casa dos biaha y tabata tata di seis yiu. Nan a bin hay’e horca den su residencia di Palos Verdes Estates, cerca di Los Angeles, algo prome cu 9 or di mainta.
Bennington tabata un figura prominente den e mundi di rock. Na 2007 e revista ‘Hit Parader’ a coloca Chester riba e puesto nr. 46 riba e lista di e 100 miho vocalistanan di tur tempo, den e genero aki. Ademas di cantante, Chester tabata desempeñae rol di actor y compositor. El a forma parti tambe di e banda Dead by Sunrise.
Chester tabata mantene lasonan estrecho cu Chris Cornell, lider di e banda Soundgarden y pionero di e movimento “grunge”, kende tambe a horca su mes na Mei ultimo. Chester Charles Bennington a nace na Phoenix, Arizona, dia 20 di Maart, 1976.
Fuente: http://www.noticiasrcn.com
https://actualidad.rt.com