Curacao: Diaranson alrededor di 9:15 di ayera anochi Vkc nan basta aktivo tabata den e area di seri lora ta patruya i un dado momentu a tuma nota di un vehikulo ku tabata kore poko sospechoso. Mes ora a duna e vehikulo aki ordu pa para pero esaki no a hasi kaso na Vkc i mes ora a start ku un persiguishon ku a bai kaba den Barbouquet.
Aki nan tres homber a logra di kore bai ku arma basta potente den man i drenta den mondi bai perde. Despues di un buskeda den mondi pa wak si ta logra topa ku arma di kandela ku probablemente e sospechoso nan a tira den mondi, a hasi detenshon di un sospechoso ku a bin sali riba e tereno bashi kaminda e vehikulo a keda bandona,
E homber aki a splika polis ku ta su droga e la bai kumpra i ku e no ta meti den nada. Pero mirando ku e homber aki tabata bon soda polisnan no a konfia su historia i a detene mes ora bai warda di polis kune kaminda ku mas investigashon lo sigui. A konfiska e vehikulo bai warda di polis kune pa wak ta di ken e vehikulo aki ta.
Articulo compila pa: Piloto