Banco di Caribe Aruba N.V. ta introduci su VISA Credit Card y su MultiCard cu chip. Ambos tarheta awor ta contene un chip cu ta brinda e cliente extra seguridad ora cu ta uz’e na un mashin di pago of ATM. E tarhetanan nobo a keda cu e strepi magnetico usual na e parti patras y awor tin e tecnologia di EMV chip tambe p’asina sigura cu por uza esaki rond mundo.
Cambia bo tarheta di credito pa uno cu chip:
Ta importante pa pasa busca bo tarheta cu chip. Banco di Caribe Aruba N.V. ta pidi tur cliente cu un tarheta di credito di Banco di Caribe pa pasa entrante 27 di juni te cu 11 di augustus 2017 na nos oficina na Vondellaan 31 pa busca nan tarheta nobo, entrante 8 am pa 4 pm. Pa esaki mester presenta cu un identificacion valido y e tarheta di credito sin chip.
E tarheta di credito nobo lo haya un codigo secreto nobo. Den caso cu ta desea pa cambia e codigo secreto pa uno diferente por haci esaki na tur ATM di Banco di Caribe.
Personanan cu ta desea na aplica pa un tarheta di credito pa prome biaha, tambe por pasa na nos oficina pa haci esaki.
Diasabra, dia 8 di july tin e oportunidad pa pasa busca bo VISA Credit Card cu Chip na Vondellaan 31 entre 9 am pa 2 pm.
Cambia bo MultiCard pa uno cu chip
Banco di Caribe ta invita tur cliente cu tin un MultiCard valido, pa pasa na nos oficina durante ora di trabou pa yena e formulario pa ricibi e MultiCard nobo cu chip completamente gratis. Por haci esaki na nos oficina na Vondellaan. Tur tarheta di MultiCard cu ta valido por wordo cambia gratis pa uno cu chip, hasta si e cliente a tuma un nobo sin chip recientemente. Pa mas informacion tocante e proceso di cambio pa un tarheta di MultiCard yama Banco di Caribe na telefon 5232250.