FLORIDA, Merca- Autoridadnan sanitario di Florida, a confirma cu tin 59 caso di e virus di Zika. El a confirma tambe cu tur e casonan ta casonan importa for di otro paisnan, den su mayoria for di Suramerica y di Caribe.
E awaseronan permanente den e estado a aumenta e acumulacion di awa y di manera proporcional tambe, e posibilidad di reproduccion di sangura cu lo por transmiti e virus.
Pa e motibo aki, Carlos Riveros, dokter di Coral Gables Hospital, a adverti pa e contagio di e virus y a indica cu e incubacion di esaki por dura entre 15 pa 20 dia. E sintomanan ta mescos cu di cualkier virus normal.
Di mes manera, e Galeno a agrega cu, aunke cu “no ta conoci cu tin algun complicacion, tabata tin algun informenan cu den e zona noord di Suramerica lo por tin complicacionnan neurologico serio”.
Di otro banda, expertonan a recomenda e uzo di repelente y paña largo den e orarionan unda cu mas e sanguranan transmitador di zika ta presente. Es decir, ora cu solo ta baha y prome cu solo sali.