CIUDAD DE MEXICO, Mexico- Tiramento, heridonan y un intento di linchamento. Asina Jose Luis Mondragon, candidato a alcalde di Los Reyes la Paz, den estado di Mexico a cera su campaña. E ta candidato pa e coalicion integra pa partidonan RD, PAN y Movimiento Ciudadano.
Diaranson atardi, Mondragon a convoca su simpatisantenan pa compañ’e den e ceramento di su campaña, riba e Plaza del Pueblo, di e sector Magdalena Atlicpac, ubica den e cayanan Ignacio Manuel Altamirano y Josefa Ortiz de Dominguez.
Eynan, na final, ora cu e tabata sacando potret cu su simpatisantenan, por skucha tironan di un arma di candela. Su personal di siguridad di biaha a proteha e candidato y nan a hib’e pa un luga sigur
E directiva di PRD den e municipio a afirma cu dos homber a baha di un auto Jetta colo blanco, cu a para dilanti e luga unda cu e actual regidor PRDista, Irene Montiel y su secretario particular, Arturo Aguilar tabata ta.
E dos hombernan a cana den direccion di e actual consejal, su secretario a para dilanti di nan, a enfrenta nan y a cuminsa un discusion.
Ora cu e hendenan a yega cerca pa wak kico tabata pasando, un di e hombernan a saca un arma di candela y a tira varios biaha. Un bala a herida un di e asistenanan na e activiad. E victima di 18 aña, a wordo hospitalisa.
Fuente: INFOBAE