VENEZUELA – Desconcierto, protesta y hasta yanto e
Venezolanonan a protagonisa den seis estado di nan pais. Merida, Anzoategui, Bolivar, Trujillo, Monagas, Zulia y Barinas, a manace cu multiple manifestante pa exigi e Gobierno di Nicolas Maduro un proroga den e deposito di e biyetenan di 100 bolivar y denuncia e falta di efectivo.
Simultaneamente e sedenan di Banco de Venezuela den varios entidad di e pais, a manece cera, originando protesta di usuarionan na nan porta pa nan exigi pa nan wordo ricibi nan deposito di biyetenan di 100 bolivar.
Na Caracas, entre desinformacion, calor y cansancio, a registra rijnan kilometrico pa tramita e divisanan na e Banco Central di Venezuela (BCV).
E comandante di Guardia Nacional Bolivariano, mayor general Antonio Benavides Torres, a anuncia e despliege di funcionarionan militar den henter e teritorio nacional “pa garantisa paz.” Sin embargo, a reporta por lo menos tres herido na Barinas den fuerte disturbio.
Fuente: NTN 24