BUENOS AIRES, Argentina- Un caso di bullying na Argentina a termina den tragedia. Martina, un mucha muhe di 11 aña ta den rolstoel despues di cu dos mucha di scol a pushe ariba vloer.
E menor, cu tin un retraso madurativo, ya caba tabata victima di termento na scol y su mayornan a avisa e docentenan. Pero e biaha aki, e termento a bay mas leu. E mucha a lastima su wes’i lomba y a perde su mobilidad.
Tanto e mucha y su mama ta sclama na gobierno Argentina pa apoyanna, ya cu nan no tin manera pa cubri e gastonan di tratamento.
Andrea Magadán, mama di Martina, a bisa cu e “prognosis di Martina no ta mucho alentardor ya cu dokternan ta bisa cu lo por tin un problema cu su medula of algun nervio central di su cabes door di e golpi ricibi.
“Mi lo kier haya un cita cu e gobernador pa e skuchami pa wak si e por haci algo pa Martina, ya cu si no haci nada di berdad, mi no sa ken si lo por haci algo”, Magadan a bisa.
Di otro banda, Andrea a señala cu “mi mester di un autoridad importante pa nan yudami”, ya cu segun el a describi, su situacion economico y di su casa no ta duna pa por duna nan yiu e atencion medico di cual nan yiu ta rekeri.