Victima di abuso ta sufri daño emocional y psicologico

0
RBC Juli 2018
Funmiles-2018

Audrey Croes ta un hoben cu a conoce maltrato di su propio pareha y duna su mensahe na parehanan hoben.

Audrey ta conta cu el a bay Hulanda cu su 17 aña y a conoce un persona ora e tabatin 18 aña. E persona aki tabata un amigo na prome instante. Di eynan el a crece den un relacion, pero eventualmente el a bira un relacion di abuso. Aworaki cu Fundacion Hende Muhe Den Dificultad, ta bay cuminsa cu un proyecto pa papia abiertamente di abuso domestico, caminda nan lo cuminsa conta storia y kibra e silencio di abuso. Audrey mes a conta su storia por medio di esaki. E storia completo ta riba e pagina di Facebook di Fundacion Hende Muhe Den Dificultad. Prome cu Audrey a conoce abuso fisico, el a conoce abuso emocional. Audrey kier educa personanan riba e werkflexnan pa nan realisa esaki durante e momentonan di abuso emocional y porta yuda asina preveni cu nan pasa den abuso fisico. Tambe ora un persona gara su pareha ta haciendo infiel cun’e y pareha ta bis’e cu locual el a mira no ta berdad, haciendo cu e victima ta cuminsa perde su sentido di realidad. Y asina e abuso ta sigui mas y mas te ora e abuso fisico cuminsa tuma luga. Pa loke ta comentarionan tocante victimanan cu supuestamente ta scoge pa keda den nan situacionnan di abuso, Audrey ta splica cu e esey tin di haber cu e daño emocional y psicologico cu a sosode caba cu e victima cu ta perde e sentido di realidad y ta sinti su mes pega den un esfera di cual e no por sali. E victima mester corda ken e ta pa por sali di e situacion ey. E prome stap di un victima ta pa educa nan di e werkflexnan pa ora nan haya nan mes den un relacion di abuso verbal y fisico, nan sa cu esey ta inaceptabel pa nan. E realidad ta cu e situacionnan aki por sosode cu tur hende.

Di acuerdo e reaccion di e victimanan den cierto casonan, Audrey ta splica cu ora e situacion di abuso tuma luga pa hopi tempo, of tambe ta depende di un persona su propio caracter, e ta reacionna di forma agresivo contra su abusador, asina haciendo cu ambos banda ta bira abusivo y controlativo cu otro. E ehempel aki ta conta pa tanto hende muhe como hende homber. E ta mustra cu e abusador, sea hende homber of hende muhe, tin un problema cu su mes y mester busca ayudo profesional pa controla e parti aki di dje. E ta mustra cu personanan tin e oportunidad pa cambia si e tin e consciencia y boluntad pa haci esaki. Fundacion a conoce un caso den cual un homber a acerca nan y bisa cu el a dal su casa pa prome biaha. Por medio di e Fundacion, nan a haya counseling y asina a logra soluciona nan problemanan y disciplina e homber pa controla su rabia. Esaki a mustra efectivo, pues segun Audrey, ainda e pareha ta hunto.

E mensahe di Audrey pa e comunidad, en especial e comunidad femenino, ta pa nan disciplina nan mes riba e tema aki. Audrey ta kere den e victimanan cu ta wordo abusa y e ta kere cu nan tin e boluntad pa sali for di un relacion di abuso. Audrey ta compronde cu e por ta un di e cosnan mas duro cu e victima por haci, pero e ta kere den nan pa logra esaki y sigui cu un bida mas feliz.

Comments

comments

C: Heineken
new india
dvg