DEN HAAG, Hulanda – E reglamentacion di Belastingdienst caminda cu trahadonan boluntariamente por retira, lo bay costa 70 miyon di euro extra. Debi na su popularidad, e 648 miyon cu a wordo presupuesta no tabata suficiente, segun secretario di estado Eric Wiebes di Finansas (VVD) a skirbi diaranson pa Tweede Kamer.
Trahadonan di fiscus por a anuncia entrante 1 di Februari si nan lo haci uzo di e reglamentacion caminda cu nan lo por haya un maximo di 75 mil Euro bruto. Belastingdienst ta bezig cu un reorganisacion y kier pone den fase te cu 2023 caminda cu nan kier schrap 5000 di e 29 mil trabaonan full time.
Na e mesun momento ta crea di nobo 1500 trabao nobo pa hendenan cu tin conocemento di tecnicanan moderno. E reglamentacion aki a mustra di a bira rapidamente popular y ta pa e motibo ey a cere entrante 1 di September.
Awo a bin resulta, segun Wiebes cu por lo menos 7820 persona a mustra interes. “Esey no ta nifica cu tur e hendenan aki automaticamente lo dicidi si nan lo haci uzo di e vetrekregeling aki,” segun Wiebes den e carta. E secretario di estado ta asumi cu e dialogonan cu lo tin cu haci y e “bedenktijd”, entre 5200 y 5800 trahado lo tuma nan retiro.
Fuente: NRC