Caracas, VENEZUELA- Venezuela tin solamente 10 miyon dollar den reservanan stranhero, segun ultimo datonan.
Pa e resto di aña, Venezuela debe 7.2 miyon dollar den pagonan pendiente.
Na 2011, Venezuela tin aproximadamente 30 biyon den reservanan petrolero. Na 2015, e tabata tin solamente 20 biyon dollar. E trend aki no por sigui mucho mas, pero ta dificil pa pronostica pa ki tempo Venezuela lo keda completamente sin placa cash.
“Pregunta ta keda: Unda e limite ta?”, segun Siobhan Morden, director di e strategia di ingresonan na Nomura Holding.”Si e prijsnan stagna y e reservanan stranhero yega na cero, e ora cero lo yega pa cuminsa un proceso di “default”.
Segun e reporte financiero di e pais, casi 7.7 biyon dollar di su restante 10.5 biyon dollar den oro. Pa paga su debenan aña pasa, Venezuela a manda oro pa Suisa.
E reservanan cu ta cabando, ta pinta un potret financiero miedoso na momento cu e pais ta enfrenta un crisis ocasiona pa un colapso economico. Venezolanonan ta sufriendo un escasez alimentario y medicinal, como tambe prijsnan astronomico di cuminda.
Un gobierno cu ta gasta mas di loke e ta ricibi, un sistema monetario sin balor, mal maneho di e pais y corrupcion, tur ta factornan cu a conduci na e inflacion exorbitante na Venezuela. Inflacion ta ser sospecha cu lo subi 1,660% e aña aki y 2,880% pa 2018, segun IMF.
Un otro problema cardinal ta e prijsnan ridiculamente abao di petroleo, cu awo ta para na mita di loke e tabata na 2014. Venezuela tin e reservanan petrolero mas grandi di mundo, y envio di petroleo ta cubri 90% di e pais su exportacion total.
Esaki ta haci e situacion mas dificil ainda, casi imposibel pa e pais por paga su debenan, importa cuminda y otro necesidadnan basico pa su ciudadanonan.
Importacionnan di Venezuela a baha cu 50% compara cu aña pasa, segun Ecoanalitica, un compania di investigacion na Venezuela.
Fuente: cnnmoney