Venezuela a yega na acuerdo cu Rusia pa restructuracion di debe

0
RBC Juli 2018
ling and sons porciento

MOSCU, Rusia- Venezuela, declara den default parcial pa varios agencia di calificacion di risico, diaranson a firma na Moscu un acuerdo pa restructura un credito di 3 biyon dollar cu a wordo otorga na dje door di Rusia na 2011, según AFP a informa. “E debe cu Rusia a wordo refinancia, esey kiermen cu a modifica e condicionnan di pago pa haci esaki mas optimal”, según fuentenan diplomatico Venezolano. Den un comunicado, e Ministerio Ruso di Finanzas a informa tambe ribe e firmamento di e restructuracion di e debe Venezolano di 3.150 biyon dollar.

“Ministerio di Finanzas di Rusia a informa ariba e firmamento di un protocol intergubernamental cu ta anticipa e restructuracion di e debe di Venezuela cu Rusia”, e texto ta bisa. El a agrega cu e suma total di e debe consolida ta duna un termino di 10 aña pa paga. E acuerdo a wordo firma door di e minister di Economia y Finanzas, Simon Zerpa y e titular di Agricultura, Wilmar Castro Soteldo. Anteriormente, e minister di Finanzas Ruso, Antón Siluanov, a anuncia cu Caracas a acepta tur e condicionnan di refinanciacion ofreci door di Moscu. Mester corda cu , Venezuela ta pasando door di crisis economico profundo y el a drenta den un default parcial despues di no a paga 200 miyon dollar na bondnan global, según e calificacion di Standard & Poors, cual ta menasa den desencadena un incumplimento di pago di su debe externo grandisimo.

“Nos a baha dos calificacion pa ‘D’ y nos a baha e calificacion di e debe soberano den placa stranhero a largo plaso pa ‘SD’ (default parcial)”, S&P a indica den un comunicado. E rebaho di e calificacion a bin horanan despues di un reunion dialuna entre gobierno di Nicolas Maduro y creditronan, na kende e no a ofrece, manera tabata wordo spera, un plan concreto pa renegocia e debe soberano y esun di e petrolera estatal, PDVSA, cual ta yega na mas o menos 150 biyon dollar total.

Diaranson, otro di e paisnan cu Venezuela debe, a sigura cu e ta den condicion pa negocia e debe. “Nos ta convenci di cu e gobierno y e pueblo Venezolano tin e capacidad di gestiona di manera apropia su mesun asuntonan, incluso su problema di debe”, Geng Shuang, vocero di e Ministerio Chines di Relacionann Exterior, a bsia. Aunke cu e debe di Venezuela ta 150 biyon dollar, 28 miyon ta cu China, e gigante Asiatico a sigura cu “actualmente, e cooperacion entre China y Venezuela den materia di financiacion y riba otro terenonan ta desaroyo normalmente”.

 

 

Comments

comments

C: Heineken
new india
dvg