Venezuela a cuminsa cu e transferencia di e pago di su bono 2020

0

CARACAS, Venezuela- E compania estatal di petroleo (PDVSA) a bisa diabierna cu el a cuminsa cu e transferencia di cerca di 841.8 miyon dollar na e banco JP Morgan pa cumpli cu e pago di e capital di su bono 2020.
E compania mester cancela sin tardansa e pago pa evita di cay den default. Ademas, PDVSA mester paga tambe interesnan di 143 miyon dollar cu awo ta keda pendiente pa cubri den e proximo 30 dianan.
E bono PDVSA cu ta vence dia 2 di November, cu e noticia di pago a subi cu 8 % y tabata cerca di 98.500 dollar cent, y na mes tempo e prijs di e bono mayor di e deuda Venezolano di 2027 ta subi 0,5 punto.
Prijs di e bononan emiti pa Venezuela y PDVSA a cay diahuebs mei mei di e preocupacionnan riba su likides y e obstaculonan regulatorio cu e compania lo mester pasa pa cumpli cu e pago importante aki
Diabierna ainda e prijsnan tabata move den cora riba e mercado Europeo, aunke cu puntonan marginal di 0,8 punto pa yega cerca di 81,750 cen di dollar.
Si e compania tarda den e pago di diabierna, e lo drenta den default.
Miedo di e inversionistanan ta bin ta aumentando desde cu e gobierno di Venezuela y PDVSA a cuminsa tarda den paga na cuminsamento di luna, cerca di 500 miyon dollar den interes cu e mester a paga na October.
Aunke cu PDVSA ta dispone di un periodo di gracia di 30 dia pa cancela e interes, e inkietud di mercado parcialmente ta relaciona cu e sancionnan financiero impone riba e pais door di Merca y cu a obstaculisa e uzo di sistema di pago internacional.
E compania estatal petrolero, cu cada biaha a logra cumpli cu su compromisonan financiero, por evita cay den default si e placa yega na tempo cerca su agente pagado, e compania encarga di ricibi y distribui e fondonan na e tenedonan di bono, segun fuentenan cu conoce e materia.
Na comienso di otro siman, PDVSA lo mester cumpli cu otro compromiso pisa, pa paga 1.170 miyon dollar pa cubri cu e fecha di vencemento y interes di un di su bononan cu tampoco ta admiti tardansa. E compania y gobierno socialista lo mester cancela 9 biyon dollar na 2018.
“Na dado momento riba e caminda di pago, si no ta awe, kisas den algun aña, e risico di keda sin cumpli cu pagonan ta keda halto”, Mauro Roca, un analista di fondo di inversion TCW a bisa.
Fuente: http://lta.reuters.com/article/businessNews/