Varios Rey y Reina di tumba di diferente aña nan ta bai competi contra otro den e Festival di Tumba 2013

Sac kier hasi un invitacion na henter Pueblo di Aruba, Pueblo carnavalesco y amante nan di tumba pa asisti na e di  43 Tumba Festival cu ta bai tuma luga diasabra 26 di Januari 2013 na Aruba Entertainment Center cuminsando 8or pm en punto. E anochi aki ta bai ta uno grandi unda tin varios Rey y Reina di tumba di diferente aña nan ta bai competi contra otro.
Un total di 6 banda y 16 participante cu tumba nan di calidad. Durante e anochi aki ta bai tin nos tumberito  infantil  2013 Iyaila Stamper  cu su tumba “Carnaval ta Alegria”y tumberito hubenil 2013 Franksjien Vos cu su tumba “Hala bin Pega” cu ta bai habri e anochi aki  y pa sera e anochi aki di e festival Robert y su Solo banda show ta bai entretene e publico cu algun  tumba ganador di diferente aña nan.
Lo bai tin diferente doorprizes pa nos publico presente. Tambe lo bai tin e bar y cushina cu semper ta bon surti cu bebida y cuminda.
Ticket ta obtenibel na oficina di Sac na pedro Gallejostraat 8 na Dakota y atardi na porta di Aruba Entertainment Center.
Sac ta conta cu sosten di nos Pueblo di Aruba pa bin apoya cada un di e cantante nan pa asina nos engrandece nos  di 43 Tumba Festival. Bini uno bini tur bin apoya bo cantante faborito pa e anochi aki y goza henter e anochi riba ritmo di nos tumbero nan.