Roma, ITALIA- Durante varios demostracion, tanto pro como contra di Union Europeo diasabra, varios persona a wordo deteni. Tres bus cu mas o menos 120 demostrante procedente for di noord di Italia, a wordo para na rand di e ciudad. Casi 30 persona, riba cual polisnan a haya helm, mascaradanan di gas of vuurwerk, a wordo saca for di e ciudad. Un bus chikito di delivery haya cu batenan aden a wordo tuma den beslag.
Mas di 10 mil persona a demostra diasabra den tres diferente luga den e capital cu nan ta pro of contra di Union Europeo. Tambe e ex- minister Griego di Finanza Varoufakis a uni su mes na e demostracion, caminda extremistanan como tambe partidonan politico iskierdista tabata demostra pa un otro Europa.
Despues di e atakenan terorista na London na comienso di e siman, polisnan Italiano ta riba un alerta halto pa cualkier iregularidad. Cayanan rond di e centro politico di Roma a wordo cera como tambe algun station di metro. Pero e demostracionnan a cana trankil.