Relaciona cu e actividad di Caiso & Soca na Carnival Villlage for di diasabra anochi te cu diadomingo den careda 4’or marduga tabatin varios Polis riba caya. Tanto patruyanan di San Nicolas, Mobiele Eenheid, recherchenan, arrestatie team tabata riba caya. Polisnan a raspa caya. A listra varios persona cu ta sinta den gang of actua sospechoso tanto paden, pafo y bisindario di e actividad.
A realisa varios deteni pa hendenan bou influencia pa comportacion malo, of droga y tambe casonan di arma. Na entrada di Carnival Village a detene algun persona bou influencia cu no ta comporta nan mes manera hende den publico. Asta a detene un homber basta burachi cu a menasa y kier a bringa cu un di e securitynan. Den area di Fang na final di caya di San Nicolas a detene un homber tambe. Den Village polisnan a tene varios control y detencionnan a cay pa arma di candela.