COLUMBUS, Ohio – Por lo menos nuebe persona a resulta herida a consecuencia di un atake perpetra pa un homber riba e campus di e Universidad Estatal di Ohio.
Ta trata aki di Abdul Razak Ali Artan, studiante di e centro educativo, unhoben di 18 aña di origen Somali, cu tabata biba den e zona universitario.
E agresor a dal varios persona cu un auto, despues a baha for di e auto arma cu un cuchiu cu cual el a herida varios persona.
E responsabel a purba di huy for di e luga, pero a muri despues cu el a wordo tira pa polis.
Autoridadnan a identifica ya e atacante, pero no a duna di conoci su nomber, un funcionario federal di siguridad a bisa CNN.
Segun e fuente aki, ainda ta purbando di determina e causa di e atake.
E ciere di e institucion ya a wordo lanta.
Ya ta conoci cu e atacante tabata stuur un auto pa 9’or y 52 di mainta, dilanti di e edificio Watts Hall y a dal varios hende.
E homber a sali for di e auto y a uza un cuchiu di carnicero pa ataca e personanan, autoridadnan a bisa.
Polis a yega na e escena den menos di un minuut, a tira y a mata e atacante. Investigacion ta sigui.
Inicialmente a pensa cu tabata tin dos atacante, pero autoridadnan ta kere cu e sospechoso tabata e homber cu nan a mata.
Por lo menos nuebe persona a wordo hiba hospital, segun bomberonan. Un di e victimanan ta den condicion critico, pero e resto, segun autoridadnan, ta stabil y no tin heridanan cu ta menasa nan bida.
Mey mey di e caos, hendenan tabata pidi pa busca refugio y evita e area di e universidad.
Wyatt Crosher, un studiante di 19 aña di e universidad, a bisa CNN cu e y su compañero di camber a scucha 3 pa 4 tiro desde e otro banda di caya.
“Despues nos a mira un monton di polis y ambulance cu tabata bin pa e caya. Nos no por a wak e edificio unda e tiroteo a sosode pasobra tin un dorm cu tabata blokiando e bista. E tabata zona manera tiro y despues sirena. Nos no a mira e autonan di polis. Nos a mira den e campus y mi ta kere cu na luga unda cu e tiroteo a sosode tabata na otro banda di caya den un auditorium.”
E studiantenan a avisa di e alerta atrabes di un mensahe di texto.
E campus principal di e Universidad Estatl di Ohio ta un di esunnan mas grandi na Merca. E universidad di mas di 65 mil studiante den henter e estado.
Fuente: CNN en Español