Kico pa Camara di Comercio a pone Caya Grandi cay y su motibonan, Sr. Omar Tromp, miembro di Directiva di Camara di Comercio ta splica.
Nos Caya Grandi a muri, of ta muriendo, y e motibo no ta un solo cos cu a pone cu e la muri. Tin mas di un motibo pa esaki segun Sr. Omar Tromp, miembro di Directiva di Camara di Comercio. Riba e pregunta si stop habrimento di cierto di negoshinan, si esey lo por yuda Caya Grandi, Sr. Tromp a bisa cu e ta boga pa un zoning, es decir cu tanto negoshi den un bario. Loke no por haci ta bay busca un protectionisme, Aruba ta un free market economy, dus e ta basa ariba survival of the fittest den Comercio. Camara no ta boga pa prohibi cierto tiponan di negoshi.
Camara ta kere cu tur e stakeholdersnan mester bin hunto, dus KvK, ATIA , Gobierno y esunnan mas importante, e comerciantenan den caya mester sinta na mesa y wak unda e problema ta sinta. E ta varios factor pareu ta hungando un rol na mes momento. No ta solamente Aruparking of e renovacion di Caya Grandi y vecindario so a hunga un rol, pero ta un mezcla di tur cos hunto.