Willemstad Curacao: Djamars mainta a tene 6 entrada hudisial na Korsou ehekutá pa Recherche Samenwerkings Team (RST)i den koperashon ku unidat di Defensa, polis di Korsou (KPC), Afpakteam, Koninklijke Marechaussee i polis di Aruba (KPA). Esaki den kuadro di investigashon “Avior”. E entradanan hudisial ta den diferente kas, minimarket i empresa.
Pareu ku na Korsou ta tene tambe entrada hudisial den un minimarket i un kas na Rotterdam. Ulanda. Esaki ehekutá pa outoridatnan Ulandes.
E entradanan hudisial ta den presensia di un Wes-komisario i Fiskal di Ministerio Públiko (OM).
Durante e entradanan hudisial a detené e hòmber W.S.C. E ta ser sospecha di labamentu di plaka i ofresé servisio bankario subteraneo (ondergronds bankieren).
Durante e entradanan hudisial a konfiská parti di atministrashon, tantu hardcopy komo digital. Esaki pa mas investigashon. Tambe a konfiská un suma grandi di plaka kèsh, totalisando 1 mion florin. Varios outo entre nan un Porshe Cayenne, RAV4, Toyota Corolla, Jeep Cherokee, prenda, varios edifisio ku un balor total ku ta surpasá 10 mion florin.
Fiskal di Ministerio Públiko Kòrsou no ta ekskluí mas detenshon i/òf mas entrada hudisial den e kaso aki.
Live cortesia: Tv 13 Direct Curacao
https://www.facebook.com/directmediacuracao/videos/10154927982597993/