Varios entrada hudicial na Curacao y Arrestatie Team di Aruba a duna un man

0

Willemstad Curacao: Diahuebs den oranan di marduga, Cuerpo Policial Curacao hunto cu diferente instancianan, Ministerio Publico, KMAR, Warda Costa, RST, VKS y polisnan di Arrestatie Team di Aruba a tene basta entrada hudicial na Curacao.

Durante di e entradanan hudicial a detene e homber J.S de J di 23 aña di edad naci na Curacao pa atraco. Na un cas den Orchillaweg, a detene e homber R.R.E di 29 aña di edad naci na Curacao enconexion cu ley di opio. A confisca tambe un arma di telefon, algun celular y tambe 4 vest di antibala.

Na tur e entrada hudicialnan aki por a mira un batayon di autoridad presente haciendo nan investigacion riba e caso grandi aki.