Varios compania cu ta traha den sector turistico ta forma parti di e fondo

0

A puntra Sra. Sanaa Baroud, Directora di Fondo di Pension di Sector Turistico si tur compania cu ta traha cu turismo ta miembro di Fondo di Pension di Sector Turistico, pa cual Sra. Baroud ta amplia.

E companianan di tour, varios di nan ta afilia cerca nan, e taxinan, dia cu nan tabata tin nan celebracion di 25 aña di existencia di FPTSA, a wordo menciona e gruponan di taxi. E fondo di pension tin varios aña ta trahando ariba esaki, tin negociacionnan andando, pero no ta cla ainda. Pero cu si nan ta bezig, nan ta bezig cu e grupo di taxistanan.

Sra. Baroud a splica cu un gran parti di e sector hotelero, carrental, companianan di aviacion, joyerianan, cu ta bende paña y nan tin tambe supermercadonan. Dus sector turistico ta uno hopi amplio.

Te ainda Sector di Pensioen no ta haya nan cu ningun problema y toch nan ta wordo considera cu nan ta safe. E risico ta minimo, pasobra no ta asina no mas, un gobierno ta bay failliet, e no pasa di dia pa anochi. Asina mes, nan fondo ta tene cuenta te cuanto nan ta bay den nan inversion. Nan ta purba di spreid lo mas tanto posibel, nan inversionnan, pa si algo bay robes den un seccion, lo tin suficiente steun di otro partinan. No ta un hit, cu lo tin consecuencianan grave pa e fondo.

E fondo di Pensione di sector turistico ta algo hopi solido. Fondo di Pension di Sector Turistico, den nan inversionnan nan tin 40%, nan ta bahando den inversion di bononan di gobierno. Tin di nan ta bay caduca e aña cu ta bin aki. Nan no tin problema cu esey, y gobierno ta pagando e fondo, debidamente, segun Sra. Sanaa Baroud, directora di Fondo di Pension di Sector Turistico.