Polisnan motorisa diamars mainta a tene un control riba green corridor. Durante e control varios boet a cay pa chauffeurnan cu ta keda core na banda robes cu ta e banda pa solamente pasa un vehiculo y no pa core riba dje. Trucknan tambe a keda para pa control debi a constata varios truck ta core banda robes y durante e control a constata cu hopi nan seguro a caduca y boet a cay.
Ariba e potret aki por tuma nota di un vehiculo shinishi coriendo na e banda manera mester ta y otro dos su dilanti coriendo full na banda robes te ora cu yega e rotonde.
Ta bon pa automobilisanan tene na cuenta cu banda drechi tin cu core y banda robes ta solamente pa pasa un vehiculo usando bo señal pa bay robes y drechi bek y no keda core riba e banda robes pasobra polis garabo sigur un boet lo cay.