Na e entrada principal di APA riba L.G Smith Blvd a tuma luga diabierna anochi un control basta grandi den trafico esaki tabata conhuntamente cu Departamento di Transporte Publico. Varios vehiculo a keda para pa un control general, y asta taxistanan a keda para pa controla si nan documentonan ta na ordo. Algun chauffeur bou influencia a keda deteni y transporta cu van di CEA pa warda pa pasa e test oficial y haya e multa di biaha.
Minister di Husticia Sr. Arthur Dowers tambe tabata presente y asina presencia con e control di trafico aki ta bay a mira con e oficialnan ta traha para auto y controla vehiculonan. Asina Minister di husticia a conoce e oficialnan cu ta encarga cu FLEX Team y a felicitanan cu nan tremendo trabou cu nan ta haci riba caya.