IDLIB, Siria – Durante e atake aereo Sirio riba e provincia di Idlib siman pasa, e gas nervioso Sarin a wordo uza. Segun e minister Turco di Salubridad, Recep Akda, esaki ta confirma despues di a test riba varios di e victimanan.
Akdag a bisa cu e isopropyl methylfofonzuur a wordo haya den analisis di muestranan di sanger y urina di e victimanan di e atake kimico na Idlib. E materia ta e prueba cu nan a wordo exponi na Sarin.
Tanto Washington como Ankara ta haci e Gobiern Sirio culpabel di a uza armanan kimico durante e bombardeo riba Khan Sheikhoun, caminda cu mas di 85 hende a fayece. Damascus ta nenga di ta responsabel. Merca a manda misil den un accion riba un base aereo Sirio no mucho dia pasa.
Fuente: De Telegraaf