TECNOLOGIA
E red social Facebook a anunica cu nan lo balora y clasifica e medionan di comunicacion den funcion di confianza otorga pa e mesun usuarionan di plataforma.
Di e forma aki, e headlinenan cu e miho baloracion lo tin prioridad den e ‘newsfeed’ di usuarionan, un strategia cu e empresa ta spera cu lo por combati “sensacionalismo, desinformacion y polarisacion”.
Nos a dicidi cu door di permiti e comunidad determina cual ta e fuentenan mas hopi acepta y esey lo ta mas obhetivo”, segun e creador di e Facebook, Marck Zuckerburg. “E rednan social lo permiti hende divulga e informacion mas lihe y si nos no enfrenta e problema aki, nos mes lo duna nan mas ‘bida’. P’esey ta importante cu e ‘newsfeed’ promove noticianan di calidad halto cu ta yuda construi un serie di interesnan comun”, el a agrega. Siman pasa, Facebook a cuminsa puntra su usuarionan tocante familiaridad cu cierto medionan di comunicacion y confianza den dje. E fundador di e red social a admiti cu e videonan y otro contenidonan corporativo den e plafaforma a crece hopi den e ultimo dos añanan, pa cual tin hopi publicacion di e tipo aki cu amigo- y famianan ta comparti.