Na un manera trankilo y hopi na ora, e fundadornan di partido RAIZ, Ursell Arends y Tai Foo Lee a yega Censo, pa asina entrega nan lista, cu ta consisti di 5 candidato. Nan ta Ursell Arends, Tai Foo Lee, un cara no desconoci den comunidad, Liliana Erasmus, Raymond Kamperveen, Lisette Gomez, kende no ta un persona desconoci. Ya pa varios aña caba e ta boga pa derechonan di mucha y ta lucha contra di abuso di mucha.
E cinco candidatonan aki ta cla pa profila nan mes. Segun Arends, nan ta considera nan mes un niche y pa sigui crece, ta bay toca hendenan profesional, manera nan pa planta e simianan pa RAIZ por sigui crece y a haya e cinco hendenan pa por haci esaki. E proceso a cuminsa awe, celebrando democracia. Riba e lista di RAIZ por haya cinco hende cu ta para pa transparencia, cu ta cla pa haci e diferencia, cu ta para pa democracia, cu ta para pa respet mutuo y alabes pa inculca bek balor y normanan den nos sociedad. Ta spera cu por haya e sosten di pueblo. Dialuna awo e firmamentonan ta cuminsa y Arends ta haci un yamada na tur hende pa haci uzo di e derecho y firma no solamente pa RAIZ sino pa e otro partidonan politico, pa asina eynan nan tur por participa na e eleccion, caminda cu e democracia por biba.
Di e manera aki nan ta haci nan entrada oficial pa eleccion 2017.