E crisis ta un infeccion den e vianan urinari ta hopi incomodo, pero vooral e por ta algo doloroso. Apart di bishita dokter, algo cu sin duda nos ta recomenda, tin remedinan casero cu por wordo uza como un forma di trata e problema. Nos ta spera cu e por ta di gran ayudo pabo.
1.Blueberry ta un fruta hopi efectivo pa e tratamento di enfermedad of infeccionnan urinario, por lo tanto nos ta sugeri pa tuma cantidadnan grandi di juice di blueberry, esey lo yuda alivia e infeccion. Si bo no por consumi e juice natural, den supermercado ta bende esun procesa, por supuesto, entre mas natural miho, pero semper bo por conta cu plan B.
2.Aunke urina ta resulta bastante molestoso entre mas bo haci’e, mayor posibilidad pa bo elimina e infeccion, por lo tanto, tuma cantidadnan grandi di likido, awa semper ta beneficioso y lo tin un efecto adicional si bo agrega un poco di baking soda.
3.Ta importante cu durante e tempo aki, ta consumi hopi vitamina C, esaki por wordo consumi den alimentonan cu ta contene esakinan, manera citriconan of den tablet cu ta funciona como suplemento alimenticio.
4.Binager di appel tambe lo ta hopi util, ya cu e ta yuda balancea e PH di e urina. E ingreiente aki no ta wordo recomenta si bo ta sufri di ulcera, ya cu e por genera iritacion.
Mantene bo area genital hopi limpi ta fundamental mientras cu bo ta supera e infeccion (aunke cu e mester ta un custumber), disolve un poco binager di appel den awa y baña cu e mescla aki, lo yuda den e balans di PH di e vagina, cu un baño pa dia lo ta mas cu suficiente. Ningun exceso ta bon.
Fuente: https://eldiariony.com/