UPS y FEDEX ta perde punto riba Wall Street

0

E principal empresanan di manda pakete di Merca, UPS y Fedex diahuebs a wordo castiga riba Wall Street door di informenan riba un posibel entrada di Amazon den e sector di mensaheria cual a wordo ricibi cu cautela di parti di e publico.
Medionan local a reproduci awe un version di e agencia Bloomberg cu ta sigura cu Amazon, e e gigante mundial di comercio electronico, ta purbando un sistema nobo di distribucion propio di nan productonan.
Esaki lo representa un inconveniente grandi pa UPS y Fedex, cu hunto cu e Servicio Postal di Merca (USPS) ta e principal transportadonan di e mercancianan cu ta bende Amazon, un firma cu cada dia ta imponiendo su mes den e comercio minorista.
Aunke cu Wall Street a bolbe registra un avance importante den su principal indicadornan, UPS y Fedex ta den cora , un 1, 24% y 0,31.
E firma ta sigura di ta e lider den e sector y ta mantene cu e ta spera di por “expande mas ainda den futuro” su relacion cu Amazon.
Di otro banda, Fedex a rechasa di duna comentario riba rumornan, pero el a recorda e complehidad cu ta representa di un red global di manda pakete.