Union Europeo ta impone sancionnan ariba Venezuela

0

BRUSELAS, Belgica- Paisnan di e Union Europeo (UE) a acorda diaranson di sanciona Venezuela pa e represion den e pais, incluyendo un embargo di arma y e posibilidad di impone medidanan restrictivo contra esunnan responsabel.
E ministernan di Relacionnan Exterior comunitario ta spera di aproba e acuerdo politico aki den nan Conseho dialuna, cual acuerdo a wordo logra unanimamente pa e embahadornan di e 28 paisnan.
Concretamente, e sancionnan proponi ta consisti di un embargo di arma y un veto na exportacion di ekiponan cu por wordo utilisa pa “represion interno” of pa “vigila” comunicacionnan electronico.
Ademas, e ta inclui e “base legal” pa UE dicidi riba un lista di personanan cu e ta considera responsabel di e situacion di e pais, unda cu lo pone un prohibicion di biaha pa teritorio comunitario y freeze cual bienes nan tin den e Union”, si e evolucion di e situacion rekeri esaki”
E acuerdo lo legalisa e Comite di Representantenan Permanente (Coreper) di Union Europeo, caminda cu tur e estadonan ta wordo representa pa medio di nan embahadornan. E comite aki lo remiti e documentonan legal pa e decision na e ministernan, cu ta spera cu e acuerdo aki wordo aproba dialuna den nan reunion, como un punto sin debate riba agenda.
E sancionnan aki lo ta gradual, selectivo, flexibel y reversibel, fuentenan a bisa insistiendo cu e acuerdo no a wordo crea pa afecta e poblacion Venezolano en general.
Nan obhetivo ta, segun nan a bisa, ta pa impulsa un proceso creibel y significativo cu por conduci na un solucion pacifico negocia den e pais.
Na October caba paisnan di Union Europeo a yega na un acuerdo politico pa prepara sancionnan selectivo contra di personalidadnan Venezolano considera responsabel di “represion” den e pais aki.
Fuente: http://www.eltiempo.com

LEAVE A REPLY

Please enter your comment!
Please enter your name here