Sr. Salas Besalina di sindicato di polis y prison di islanan Boneiro ,Saba y Statia ta splica cu e union aki tabata hopi importante paso tin cosnan cu ta pasa na pia di trabou ora di traha hunto e sindicato mester tey para pa tur su miembronan.
Union sigur ta hopi importante. Cu union bo ta haya mas forsa y ta demostra tambe, cu aunke como rumannan cu den pasado, pa un motibo of otro, nos islanan a wordo separa di otro, den sindicato ta wak e balor di bin hutno cu otro. Biniendo hunto ta logra hopi mas.
Hopi biaha polis di otro islanan ta haci peticion pa polisnan di Aruba, Sali bin duna asistencia na e otro islanan. Na momento cu e polis ey, pasa den algo mester di un hende pa Sali y dun’e e support necesario cu e tin mester na e momento ey.
Sindicato di Polis y prizon di Boneiro, Saba y Statia ta dispuesto di pone un schouder bou di esaki y yuda cualke colega, na cualke un di e islanan ora cu nan ta brindando Boneiro e ayudo necesario. Ta importante pa nan sa cu tin un hende cla para eynan y cla pa yuda eynan.
Al momento cu e union aki ta formalisa, nos tur lo por yega y sinta na mesa, pa yega na decisionnan concreto con lo bay yuda e miembro na e momento cu e tin mester di e asistencia aki, segun Sr. Besalina di Sindicato di Polis y Prizon di Boneiro, Saba y Statia.