TORONTO, Canada – Un estudio nobo dirigi pa investigadonan di e Universidad di Toronto (Canada) parce di a haya un combinacion nobo terapeutico contra Malaria celebral.
Manera cu Sarah J. Higgins, directora di e investigacion publica den e revista Science Translational Medicina, a splica, “manera cu resultadonan di nos trabao ta mustra, e tratamento basa riba angiopoyetina-1 por ofrece un strategia potencial pa loke ta malaria celebral y na e mesun manera frente otro enfermedadnan infeccioso grave manera antrax, sindrome di schock door di dengue y keinturanan hemoragico viral.”
Angiopoyetina-1 (Ang-1) ta un proteina cu ta hunga un papel fundamental den e desaroyo vascular y e formacion di adernan nobo.
Investigadonan a administra e combinacion di un Ang-1, recombinante y artesunato den un modelo animal cu malaria celebral. Di acuerdo cu e resultadonan, Ang-1 tabata tin un papel critico na momento di reforsa e barera cu ta rondona e celebro y evita e entrada di bacteria y productonan toxico.
Den definitiva, e estudio nobo a constata e importancia di desaroya tratamentonan cu no solamente ta actua pa loke ta e parasito causante di e infeccion – den e caso aki, concreto, e malaria celebral – sino cu tambe ta potencia e sistema inmunitario di e huesped.
Manera Sarah Higgins a conclui, “incluso den e fasenan mas avansa di e enfermedad, e uzo di Ang-1 recombinante den combinacion cu artesunato protegi na animalnan di e daño celebral y a mehora significativamente e supervivencia pa loke ta e artesunato den monoterapia.”
Fuente: El Universal