NEW JERSEY, Merca- Un di e agresornan a resulta morto, mientras cu e di dos a keda deteni. Cuater di e personanan herida ta den estado critico.
Un tiroteo desata den oranan di marduga di diadomingo den e festival Art All Night, celebra na Trenton, capital di New Jersey, a laga al menos un persona morto y mas di binti otro herida. E victima mortal ta un di e atacantenan.
E evento, un muestra di arte, musica y gastronomia local, normalmente ta atrae miles di persona. E festival a cuminsa diasabra atardi y lo mester a dura te den horanan laat di atardi di diadomingo. Pero rond di 3 or di marduga, dos persona a cuminsa tira.
E tiroteo a provoca panico entre e asistentenan. Un total di 16 heridonan a wordo trata pa heridanan di bala, mientras cu e naturalesa di e otro lesionnan no ta conoci. Cuatro persona ta den estado critico.
Un di e agresornan, un homber di 33 aña, a resulta mortalmente herida, meintras cu e di dos sospechoso a wordo deteni.
E motibonan di e tiroteo ainda no ta conoci.