Masnoticia a combersa cu Sr. Aubrey Janga directamente for di Corsou, kende a duna nos mas informacion tocante e sucedidonan di diadomingo na Corsou caminda un miembro di Cuerpo Policial a wordo herida na momento cu el a bay duna asistencia durante e Marcha di Carnaval, caminda el a resulta herida. Cuerpo Policial tin un persona deteni.
Sr. Janga a splica cu Cuerpo Policial di Corsou y Ministerio Publico a yama un conferencia di prensa cu caracter di urgencia, na Venetto Hotel, na Holiday Beach. Aki nan a trece dilanti tocante e asistencia duna durante un di e marchanan di Carnaval cu a tuma luga, caminda tabata tin un problema, unda un polis lo a bay duna asistencia na publico canto di caminda. Aki ta caminda e situacion a bay for di man, ora cu nan a duna asistencia na un persona cu a comporta su mes, fuera di ordo, un señora a cuminsa ta menasa y papia malo cu polis, y aki e polis a bay over na detencion di e dama aki tambe. Ora cu a detene e persona aki, e ora ey e situacion a bay completo for di man, unda un cabayero a bin pusha e polis, dal’e un mokete, kibra e bril den e polis su cara.
Mas asistencia a wordo pidi, y a bay over na detencion di e persona aki tambe. Pero e situacion a sigui mirando cu sigur un cantidad di grabacion cu a subi riba rednan social a pone cu e problema cu awe tardi lo mester a yama e conferencia di prensa, ya cu e pelea cu a wordo poni ariba Facebook y caminda cu hopi hende a duna comentario cu ta abuso policial esaki tabata ta.
Sr. Aubrey Janga a sigui bisa, cu ta un parti di e video ta poni riba rednan social caminda cu polisnan ta actua y ta mustra comosifuera cu polis ta abusando contra di personanan indefenso. Pero e problema no a keda te aki, pa motibo cu menasanan a cay ariba Facebook contra di e personanan cu a tira e menasanan.
Awe tardi Ministerio Publico lo a bay over na detencion di un di e personanan cu a duna su comentario, ariba brug di ponton momento cu e tabata canando. E persona aki ta detene actualmente, pero ta pendiente tambe di mas persona tocante comentarionan, ni pa Cuerpo Policial ni pa Ministerio Publico, tocante e menasanan di morto contra di e polis aki.
E polis en cuestion ta AO actualmente, mirando e cortanan cu el a haya na su cara. Cuerpo Policial hunto cu Ministerio Publico, a duna splicacion amplio over di con e situacion aki ta hinca den otro. Durante Marcha di Despedida, ni Cuerpo Policial ni Ministerio Publico si algo bay for di man, nan lo no tolera nada.
Sr. Janga a splica cu a papia cu AGKK, cu tin e vergunning pa organisa carnaval, pa e marcha sali na ora. Diadomingo, door cu algun grupo diadomingo ultimo, no a sali na ora, a pone cu e publico mester a warda mas tempo, a bebe mas y esaki ta pone cu e situacion tabata uno hopi tenso.
Ta pidi pa tur hende comporta nan mes, pa e Marcha di Despedida Cuerpo Policial lo no tolera pa esaki sali for di ora. Pa motibo cu awa tabata cay na Corsou, y e vergunning tabata entre 6 or y 12 or di anochi, Cuerpo Policial y Ministerio Publico lo tene cuenta cu ta algo di naturalesa.
Pero mester bisa cu Ministerio Publico a papia palabra cla, polisnan tampoco lo no bay tolera, nan lo ta bay ta Cero Tolerancia. Nan lo no bay acepta absolutamente nada, niun palabra denigrante di niun hende.
E menasa tabata dirigi ariba un polis en cuestion, ora cu el a bay duna asistencia y e situacion a bay for di man. Ley ta bisa cu si un persona papia palabra deningrante cu polis durante temporada di Carnaval, e persona por keda deteni. Eynan e polis a bay pa atende cu e persona, y aki ta caminda un otro persona a bin defende e dama, pusha e polis y kibra su bril, cu a corta su cara.
Por ultimo Sr. Janga a splica cu e partinan cu ta colga ariba rednan social, ta solamente un parti di e video y no esaki den su totalidad, y aki ta unda cu comentarionan a sali for di man. Ministerio Publico a trece dilanti, cu nan lo no acepta cu ta pone algo denigrante di un persona ariba rednan social, caminda comentarionan peligroso pa bida di e persona en cuestion ta wordo haci.