Un medicamento contra diabetes por retrasa e aparicion di Parkinson

0

Un remedi desaroya pa controla diabetes por retrasa potencialmente e progresion di Parkinson, caminda cu e cientificonan ta dispone na test riba humano.
E descubrimentonan nobo realisa riba modelonan di laboratorio, publica den e revista specialisa Science Translational medicine, ta indica cu e investigacion di e remedi originalmente desaroya pa diabetes di tipo 2 a mustra na preserva e funcion celebral critico pa Parkinson.
Na e momentonan aki, e descubrimento aki ta basa riba e investigacionnan den laboratorio di Van Andel Research Institute, aunke e ensayonan clinico cu personanan den busca di e prome tratamento na mundo pa impedi e progresion di Parkinson lo cuminsa dentro di un aña.
“Full nos investigacion riba e modelonan di Parkinson ta sugeri cu e remedi aki por retrasa potencialmente e progresion di e enfermedad riba personanan. Nos ta spera cu cu esaki ta un momento crucial pa miyones cu ta biba cu e enfermedad di Parkinson,” e autor principal y director di e Centro di Investigacion Neurodegenerativo di e instituto di investigacion Van Andel, Patrik Brundin, a sigura den e articulo.
Si e ensayonan riba sernan humano ta positivo, e remedi MSDC-0160 lo ta e prome terapia pa trata e enfermedad subyacente y ralentisa su progresion.
Brundin a añadi cu e exito di e estudio aki por mehora e calidad di bida y preveni e aparicion di caida y bahada cognitivo di e personanan cu ta sufri di e trastorno neurodegenerativo, ademas di reduci of retrasa e necesidad di medicamentonan cu por tin efectonan secundario debilitante.
E trastorno neurodegenerativo cronico ta afecta entre 7 y 10 miyon di persona den henter mundo y ta spera cu e cantidad aki ta crece drasticamente a medida cu e speransa di bida ta aumenta.
Fuente: El Universal