SANTA MONICA, California – E cantante y compositor Albertico Aguilera Valadez, conoci como Juan Gabriel,a fayece diadomingo na Santa Monica, California na edad di 66 aña.
E cantante originario di Paracuaro, Michoacan, a fayece pa 11’or y mey di mainta, debi na un infarto, segun e periodista Mexicano Joaquin Lopez Doriga, a reporta.
E cantautor a presenta e anochi di diasabra na Los Angeles, California, como parti di e gira “MeXXIco es todo,” caminda cu el a mustra tur su vitalidad y entrega y cu caminda el a recalca for di principio pa fin su orguyo pa Mexico.
Un di e cantautornan mas prolifico den historia Mexicano, cu rond di 1800 cancion, a presenta dilanti di 17 mil 500 asistente den e Forum di Inglewood, di California, caminda cu por a mira su vitalidad na su edad.
Un di su ultimo trabaonan musical tabata e lansamento di un album tributo na e grupo di rock Creedence, cu “Gracias al Sol,” su versio na e tema “Have You Ever Seen The Rain?” di Creedence Clearwater Revival.
Alberto Aguilera tabata yiu di Gabriel Aguilera Rodriguez y di Victoria Valades Rojas, ambos campesino. E tabata menor di un total di dies ruman.
E cantante y compositor, kende tambe tabata cono como “El Divo de Juarez”, a logra fama na Mexico y varios parti di mundo cu temanan manera “Se me olvido otra vez,” “Amor Eterno” y “Noa Noa” y ademas di ricibi numeroso premio y reconocimento pa su exitoso carera.
No ta mucho tempo luna atras Juan Gabriel tabata na Aruba pa un concierto magnifico, caminda cu tur fanatico di musica ranchera y naturalmente “su” fanaticonan, a sa di bin presencia e espectaculo. Riba rednan social hasta nan a pone video di dje caminda cu el a bishita Pos Chikito Rumshop caminda cu e tabata tey durante presentacion di Grupo di Betico, algo unico di un artista cu a mustra su humildad y kier a disfruta di un evento manera cualkier persona. Ayo Juan Gabriel, eres lo maximo, una leyenda. Que descanses en paz.
Fuente: Univision.com