Entre 2023 y 2025 Apple lo lansa su prome auto autonomo, segun e ex analista di e compania Ming-Chi Kuo den un carta dirigi na inversionistanan. E portal Macrumors a haya acceso na e nota, cual fin ta di diseña e futuro productonan di e gigante tecnologico. E era di iCar parce di ta cerca.
Segun Kuo, e auto cu lo core automaticamente lo bira e “producto estrella” di Apple y lo revoluciona e mercado automobilistico den e mesun medida cu lo haci iPhone den e mundo di celular di haci un decada. E analista a señala cu e avance tecnologico cu Apple lo responde na “e demandanan grandi di reemplaso” cu actualmente ta wordo observa den e ambito automovilistico debi na e yegada di tecnologicanan nobo.
Informacionnan anterior ta sugeri cu Apple opta pa crea un software di “core auto automatico” na luga di un auto completo den cuadro di su programa Proyecto Titan, a 2014.
Di mes manera, desde comienso di 2017 y te cu awo Apple a bin ta test e desaroyo den un campo di “conduccion autonomo” cu’n auto Lexus den e cayanan di California, segun Macrumors.
Sin embargo, e ultimo informe di Ming-Chi Kuo, como tambe un contract cu e ex ingeniero di Tesla, apunta door di e compania funda door di Steve Jobs lo a opta pa e creacion di su mesun vehiculo autonomo.
Ademas, den su carta na inversionistanan e analista ta señala cu otro producto innovador cu Apple tin planea pa lansa ya caba den 2020 ta un paar di bril inteligente di realidad aumenta, cu lo tin un pantaya y un processor operando desde un sistema nobo di iOS.