NEW JERSEY, Merca – Un tata a muri despues di a bula for di un brug na New Jersey, hunto cu dos yiunan, lagando e muchanan seriamente herida, polis estatal a informa.
Un investigacion preliminar a determina cu John Spincken a bula intencionalmente cu e dos muchanan for di e brug Wanaque, riba e caminda interestatal 287, na Wanaque, di acuerdo cu autoridad. Spincken, di 37 aña, a wanta e muchanan di 1 y 3 aña ora cu el a bula dialuna, despues di rond di 8’or di anochi.
E tragedia a tuma luga despues cu e residente di Pequannock aparentemente tabata envolvi den un disputa domestico.
Spinken a bula for di 30 meter (100 pia) di haltura pa un zona yena di palo cerca di e riu Wanaque. El a wordo declara morto na e luga.
E muchanan ta sigui hospitalisa diamars cu heridanan grave.
Fuente: Associated Press