QUITO, Ecuador- Conmociona pa e asesinato di dos periodista y un chauffeur di e corante El Comercio na man di disidentenan di ex gueriya FARC. Ecuador ta buscando manera pa recobra e cadavernan mientras e t baha su rabia ariba e asesinonan.
Den su editorial di diasabra, e corant ta pidi gobierno di Ecuador y Colombia “tur splicacion” di loke a pasa desde cu e tres Ecuatorianonan a wordo secuestra dia 26 maart ultimo, na un region frontera cu Colombia unda nan tabata realisando un reportahe tocante violencia den e region.
Ni Quito ni Bogota por a determina unda e tres periodistanan aki a muri ni unda nan curpa ta. Ambos gobierno tin diferente version, contrario di otro riba e luga unda e hechonan a tuma luga.
E Comite Internacional di Crus Cora (CICR) a confrima cu Ecuador, Colombia y e famianan di e victimanan ta pidi nan colaboracion pa recupera e curpanan di e periodista Javier Ortega (32 aña), e fotograaf Paul Rivas (45 aña) y e chauffeur Efrain Segarra (60).
Visiblemente doli y indigna, president di Ecuador Lenin Morteno a confirma e morto di e periodsitanan diabienra, despues di e aparicion di algun potret cu ta prueba e ehecucion.
Su caso, condena pa e comunidad internacional, ta sumi na e dolor di un pais cu nunca a sufri cu tanto crueldad e problemanan deriva di narcotrafico na Colombia.
Te cu diabierna pa mei anochi, un centenar di persona, hopi di nan cu bela den man, a reuni den silencio dilanti di e cas di gobierno den centro di Quito, den un vigilia den homenahe di e fayecidonan.
Fuente :https://www.afp.com/es