Colega ta personanan cu ken bo ta pasa mayoria di tempo cu nan si bo ta traha full time. P’esey ta casi inevitabel cu tin ora tin cierto tension entre dos colega. Asina mes, ta haya casi mita di e Hulandesnan cu ta sinti cu no ta bon pa flirt na trabao.
Vooral personanan cu ya caba ta den un relacion, no ta compronde y e gran mayoria (53%) ta sinti cu flirt ta algo cu no por. Un di cada dies Hulandes ta bisa cu e ta algo asina inapropia cu nan ta sinti cu nan mester cambia di trabao si nan sinti nan mes atrai pa un otro colega.
Pa esunnan cu ta soltero, e mayoria (60%) ta sinti cu esaki no mester ta un problema, si de bes en cuando tin flirtmento na trabao. Esaki kisas ta bon toch, pasobra un di cada 5 Hulandes toch a yega di haci algo den secreto cu un colega. Mas ainda, un averahe di 7% a sinti cu e tension tabata asina grandi, cu esaki a conduci na sex na trabao. Pero e ta bira dificil pa e colegialidad keda si sentimentonan ta bin acerca. Pio si e persona pa cual bo ta sinti algo pe, ta bo manager. Y esey ta pasa hopi, segun un encuesta: un di cada 10 muhe a yega di namora di su manager, compara cu 5% di e hende homber.
Encuesta
E encuesta di Parship.nl a wordo ehecuta door di Multiscope bou di 1005 Hulandes di 18 aña of mas.
Fuente: https://www.telegraaf.nl