E ‘Regalo di siman di Buki pa Mucha 2017’ ta un regalo pa muchanan di Aruba. Por haya e buki gratuitamente na tur libraria ora cumpra un buki pa mucha, tanten cu tin.
Biblioteca Nacional Aruba ta contento y orguyoso di por presenta e buki di Festival di Buki pa Mucha. E buki titula ‘E buki mas excitante di mundo’ ta na Papiamento y Hulandes . E conocido autor di buki pa mucha Sjoerd Kuyper a skirbi e buki di festival 2017 di Aruba y esaki a keda ilustra pa artista visual y docente di arte, Stan Kuiperi. Traduccion tabata na encargo di sra. Evelyn Ruiz-Croes y redaccion di Jeroen Hoogerwerf. E buki a keda publica na Levendig Uitgever.