ROMA, Italia – Un serie di violacion a percura pa un kibramento di cabes e luna aki den e capital Italiano, Roma. Awo un muhe Aleman a wordo mara na un palo di luz, horta y viola, ta e druppel cu a pasa e hemchi pa e alcalde Virginia Raggi.
Raggi ta papia di “un September scur pa Italia.” El a subi e medidanan di siguridad awo cu e muhe Aleman a wordo haya sunu pa un agente, mientras cu e tabata mara. Y un rato prome el a wordo viola y horta. E agresor tabata un hoben di mas of menos 20 y posiblemente di origen stranhero, e muhe (57) a bisa.
Siman pasa un muhe Belga (20) a wordo agredi pa un homber Israelita, kende a purba di viole riba e trapinan di Basilica di Santa Maria, segun Het Nieuwsblad. Prome cu esey tabata tin violacion di un turista Finlandes cerca di un stacion di trein.
Tambe den otro partinan di Italia esaki ta tumando luga. Dos studiante Mericano a wordo viola pa agentenan na Firenze y na Augustus un turista Polaco tabata victima di un violacion den grupo na Rimini. Mientras tanto tin mas patruya riba caya y camaranan di siguridad a aumenta.
Fuente: www.telegraaf.nl