MARACAIBO, Venezuela- E presidente di e Asociacion di Comerciantenan di Estado Zulia (Acez), Andrea Cruz a informa cu solamente e 25% di e establecimentonan comercial di Maracaibo ta operacional. E ultimo tres dianan tabata tin fayonan grave den e sistema electrico di Zulia.
Cruz a señala cu e negoshinan no tin horario fiho di trabao, ya cu e esaki ta wordo interumpi pa e cortenan den servicio y e mayoria di e localnan no tin un powerplant. El a agrega cu desde diabierna gran parti di e empresanan ta cera.
Zulianonan tin mas di 70 hora sin servicio electrico
Zulianonan ya caba a pasa e barera di 70 hora sin servicio electrico, despues di cu diabierna ultimo e depositonan di azeta na e Puente sobre el Lago a coy candela, afectando liñanan di interconexion cu ta pasa bou di e infrastructura. E faya a persisti den fin di siman y a sigui dialuna den varios sector di e municipionan Maracaibo, San Fransisco, La Cañada de Urdaneta, Cabimas y demas zona. E energia ta bay y bin. Hende ta gosa di un promedio di dos of tres hora diario cu coriente. E anochinan ta completo sin luz, obligando hopi na drumi dilanti di nan cas, riba dak, esaki como strategia pa soporta e calor caracteristico den e entidad Zuliano. E imagennan di personanan durmiendo riba colchonan pafo di cas ta algo cu a bay viral ariba rednan social.
Tur cos a cuminsa asina
Cerca di 4 or di mainta di diabierna, un explosion a keda registra den e subestacion 3 ubica na e punta di e Puente General Rafael Urdaneta, cual a ocasiona e cierre total den ambos direccion di e brug aki.
Un otro sabotahe na e linea sublacustre di e Puente Sobre el Lago di Maracaibo, perpetra diabierna marduga a afecta 100 meter di interconexion.
‘Den 20 dia nos lo por anuncia un biaha mas ki tempo nos lo pidi un biaha mas cu ya caba a wordo sabotea dos biaha”, el a reforsa ora cu el a indica cu ta revisando henter e structura di e brug pa garantisa siguridad.