Dia 27 di November lo tuma lugar e di 11 edicion di Shoco Awards 2016, Aruba su premiacion nacional di excelencia den servicio. E aña aki, un biaha mas Ministerio di Turismo, Transporte, Sector Primario y Cultura den colaboracion cu Aruba Hotel and Tourism Association (AHATA), lo ta presentando e evento aki.
For di 2011 tur cu ta traha directamente of indirectamente cu turismo na nivel nacional por aplica pa ta nominado di Shoco Awards.
No tin ningun costo pa manda nominacion. Si ainda bo compania no a manda aplicacion(nan) y tin interes pa haci’e, e ultimo fecha pa aplica lo ta diabierna awor 14 di October, 2016 na oficina di AHATA.
Kier encurasha tur empresa no ta importa si ta chikito of grandi pa nomina e trahadornan cu pa medio di nan servicio optimal, cu un sonrisa riba nan cara y e atencion inigualabel ta haci e diferencia den boso negoshi. Pa mas informacion y detaye di documentonan necesario hunto cu e aplicacion, por contact Vanessa Rasmussen na 5822607 of electronicamente na [email protected] .