Poder di hubentud a start sali unda e aña aki ta conta cu un grupo di hoben cu ta encarga pa drenta den comunidad y hunto cu mas persona busca nominadonan pa 2017. Comision di Poder di Hubentud tin e meta pa e aña aki yega 30 nominado y guianan pa nan bira lidernan prominente den nos pais. Edad di participacion ta di 12 – 24 aña.
Faltando un siman mas pa cera inscripcion, comision ta encurasha clubnan social, deportivo, cultural of scol pa manda nomber di e hoben cu ta destacando den e diferente categorianan. Ta importante pa splica cu detaye pakiko e hoben mester wordo nomina. Kiko ta locual e ta hasiendo den comunidad of den su seno cu ta hasie un hoben diferente y exitoso. Nos tin hopi hoben cu ta hasi cosnan positivo pa nos pais y nos mester duna nan e reconocimento pa esaki. Hobennan cu ta
destaca riba tereno social, deportivo, trabou boluntario, mehoracion personal, media y tecnologia ,cultura y arte, ciencia lo ricibi un reconocimento special na final di 3 luna di guia. E Comision cu ta resorta bao ATHA ta trahando duro pa asina presenta un super programa pa e hobenan durante di e vakantie aki. Un proyecto importante pa sigi educa y guia hobennan di nos isla. Mayornan y famianan cu sa cu tin hoben cu ta destaca den un of otro sector por inscribi’e ainda via ATHA. Por download formulario for di www.athaaruba.org. Nos mester apoya hobennan cu ta hasi bon den nos pais y atravez di Poder di Hubentud su programa, nos ta duna nan e oportunidad aki. Cada hoben por saca mas probecho posibel di e projecto aki siguiendo e cursonan cu lo wordo ofrece na nan. Pa 3 luna e hobenan lo ricibi diferente curso entre otro di motivacion y liderasgo, siña riba nan derechonan, con pa maneha cu nan placa, higiena personal, public speaking y otronan.
Dia 22 di Mei inscripcion ta cera oficialmente, abo por hasi e diferencia den comunidad y duna un hoben e oportunidad di crece y desaroya den un forma sano. Si por tin cualkier pregunta por yama ATHA na 5823773.