A tuma nota cu siman pasa un avion a lanta di pista di Aeropuerto Internacional Reina Beatrix pero cu despues a baha bek cu emergencia. Ta trata un avion di Tiara Air, cu ta un compania cu ya no ta existi.
Mesora a tuma contacto cu Aeropuerto, cu a duna di conoce cu avion en berdad a bay haci un test di vuelo. Pero el a confronta cu problema di motor pa cual el a bira bek.
Tambe a tuma contacto cu doñonan di e compania Tiara Air, kendenan a informa cu e avion aki ta pertenece na un compania Mericano di carga, cual doñonan actualmente ta na Aruba, pa asina test e avion y drech’e pa asina hiba esaki pa su destinacion siguiente.