DEN HAAG, Hulanda – Un mayoria den Tweede Kamer kier pa regula cultivo di marihuana. Esnan cu ta na fabor di e ley ta spera cu, door di regula e cultivo, lo por baha criminalidad. Doñonan di Coffeeshopnan ta contento.
E plan ta cu e produccion ta keda castigabel, pero cultivadornan controla no lo wordo persigui mas. Cultivadornan mester bay paga belasting y mester wordo controla riba exigencianan di calidad. Finalmente coffeeshopnan mester bay cumpra nan weed for di e cultivadornan controla aki.
Propuesta di ley
D66 a entrega un propuesta di ley pa asina legalisa cultivo di marihuana. 77 voto tabata na fabor y 72 en contra. E ley aki mester wordo aproba ainda den Eerste Kamer.
Comentarista politico, Frist Wester ta splica: “Cu e plan di D66 pa regulacion di cultivo di marihuana pa mayoria di Tweede Kamer ta wordo sosteni, no kiermen cu esaki lo bira un realidad. Den Eerste Kamer, un mayoria di CDA, ChristenUnie, SGP, PVV y VVD ta contra. Opositornan ta mustra cu riba regulacion di cultivo criminal no lo evita cu gran parti di esaki lo bay den exterior.”
Lucha
Doño di un coffeeshop, Wouter van Egmond di e Sindicato di Detayistanan di Cannabis ta contento cu e noticia cu tin un mayoria den Tweede Kamer ta di acuerdo cu e plan. “Absolutamente mi ta para pa e rebulacion di cultivo di marihuana,” Van Egmond ta bisa. E doño di coffeeshop ta sigui: “E aña aki nos a cumpra mas di 1 miyon na weed. Esey ta placa blanco, cu en realidad nos ta “was zwart”, pasobra e ta bay den e circuito ilegal. Dicon e mester ta asina? Ta bon mes cu finalmente e ta wordo cambia.”
Fuente: RTL Nieuws